تومروس-ون آزادلیق رادیوسوندان آلدیغی خبره گؤره  مهرین 1-نده  ايراندا تحصيل ايلي نين ايلک گونو اولدوغونو نظره آلاراق، بريتانييانين آذربايجان ايجماعسي لوندوندا بی بی سی  خبر آگئنتليگي قارشيسيندا نوماييش کئچيره رک، آنا ديلينده تدريس طلب ائدن سويداشلاري ايله همريليکلريني بيلديريبلر.  
  «بيرلشميش کرالليق-گونئي آذربايجانليلار تشکيلاتي» (گات-بک)، «گونئي آذربايجان سولچو فعاللاري»، «گونئي آذربايجان ايستيقلال پارتيياسي» و دونيا آذربايجانليلاري کونقرئسيني صدري نين ايشتيراک ائتديگي بو آکسييايا بريتانييادا ياشايان بلوچ ايجماعسي نين عوضولري ده قوشولوبلار.  
  گات-بک-اين تشکيلاتچيلاريندان سهند باغمئشه لي دئيير: «بو گون سکسن-نئچه ايلين آجي تجروبه سي يئنه ده تکرار اولاجاق-آذربايجانلي بالالاريميز فارس شووينيزميمين کوت بيچاغي نين قاداغينا بوراخيلاجاق. ايران منطيقي دهشتدير، ديليميزي کسيرلر، مدنيتيميزي دارماداغين ائديرلر و اومورلار کي، بيز هئچ جينقير دا چيخارماياق و چيخارداندا دا بيزي حبس ائديرلر».  
  نوماييشچيلر عئيني زاماندا بی بی سی  خبر آگئنتليگينه اؤز اعتيراضلاريني بيلديريبلر. اونلارين فيکرينجه بی بی سی  ايران آذربايجانيندا گئدن حاديثه لره لاقئيد قاليب و دونيا خبرلرينده بو مسله يه آز يئر وئريب.